Bingo jasangarria martxan

Hilabete hauetan zehar, Easo Politeknikoko ikasleak elkartasun- eta jasangarritasun-proiektu berezi batean ari dira lanean. Lehen fasean, plastikozko tapak bildu dituzte, Goyenechekoekin batera bingo birziklatu bat sortzeko helburuarekin.Material horrekin, jarduera berezi eta iraunkor bat jarri dute martxan Tabakaleran, Garagune eta Goyeneche Fundazioko taldeekin batera. Asteartero elkartuko dira bertan, bingo birziklatuaren bidez sormena, elkarbizitza eta inklusioa lantzeko. Esperientzia hau aberasgarria izaten ari da parte-hartzaile guztientzat, eta elkarlanari eta ikaskuntza partekatuari jarraipena emango dio.Proiektu honen helburua ikasleen artean elkartasuna, ingurumenarekiko ardura eta lankidetza sustatzea da, bizitzarako balioak modu praktiko eta esanguratsuan landuz. Gainera, ekimen honek balio handia du, ikasleei erakusten baitie keinu txikiek lotura handiak sor ditzaketela, eta birziklapena ere inklusiorako zein topaketarako bide izan daitekeela.