Proiektuak
Berrikuntza etorkizuna eraldatzeko
Easo Politeknikoan, berrikuntza gure prestakuntzaren eta kudeaketaren funtsezko zutabea da. Gure ikasleak eta hezkuntza-komunitatea etorkizuneko erronketarako prestatzeko aldaketa teknologiko, ekonomiko eta sozialei aurrea hartzeko gai izango den Lanbide Heziketa proaktibo eta ameslari batean sinesten dugu.
Gure berrikuntza-proiektuen bidez, irakaskuntza-metodologia berriak aztertzen ditugu, sortzen ari diren irtenbide teknologikoak garatzen ditugu eta hezkuntzaren eta produkzio-sarearen arteko lotura indartzen dugu. Berrikuntza-eredu egituratu bat ezartzen dugu, adimen lehiakorrean eta ezagutzaren kudeaketan oinarritua, aukerak detektatzeko eta inguruneko beharrei erantzun eraginkorrak emateko aukera ematen diguna.
Nazioartekotzearen aldeko gure apustua nazioarteko berrikuntza-proiektuetan parte hartzean datza, Europa osoko zentro eta enpresekin lankidetzan. Proiektu horiek aukera ematen digute ezagutza partekatzeko, baterako konponbideak garatzeko eta ikasleei ikuspegi orokor bat eskaintzeko, Europako prestakuntza- eta enplegagarritasun-estandarrekin bat datorrena.
Ezagutu jarraian ikasturte honetan aktibo dauden berrikuntza-proiektuak.
INMUNOTASTE: Gastronomia aurreratua eta immunonutrizio zirkularra aho‐inflamazioaren prebentzioaren zerbitzura
- Ikastetxe partehartzaileak: CIFP EASO POLITEKNIKOA LHII, CIFP PLAIAUNDI LHII, ESCUELA SUPERIOR DE HOSTELERÍA BILBAO BHIP
- Laburpena: INMUNOTASTE berrikuntza‑proiektuak osasunaren prebentzioa bilatzen du, ahoko inflamazioa sarritan gradu baxuko inflamazio kronikoarekin erlazionatzen baita eta hori, aldi berean, patologia orokor ugarirekin. Gainera, ikuspegi integral batekin, immunitatearen erregulazioa aztertu nahi du eta elikagai funtzionalen prototipoak sortu, horretarako goi mailako sukaldaritza teknikak erabiliz eta beti ere jasangarritasun‑printzipioak oinarri hartuta.
- Deialdia: Sailburuordetza 2026
SenseStage: Esperientzia eszenikoetan zentzumen-irisgarritasuna integratzeko plataforma teknologikoa
- Ikastetxe partehartzaileak: CIFP EASO POLITEKNIKOA LHII, CPES Escuela de Cine y Vídeo – ESCIVI
- Laburpena: SenseStage berrikuntza aplikatuko proiektu bat da, eta plataforma teknologiko modular bat garatzea du helburu, esperientzia eszenikoetan zentzumen-irisgarritasuna integratzeko, estimuluak denbora errealean eraldatzen dituzten sistema interaktiboen bidez.Proposamenak kultura-sektorera eta Lanbide Heziketara transferitu daitezkeen prototipoak garatzen ditu, eta digitalizazioaren, inklusioaren eta gizarte-eragina nahiz aplikagarritasun erreala duten irtenbide teknologikoen garapenaren erronkekin bat egiten du.
- Deialdia: Sailburuordetza 2026
P.A.R.K.E.A. (Parkinson Arretarako eta Rehabilitaziorako Kudeaketa eta Esku-hartze Asistiboa)
- Ikastetxe partehartzaileak: OSOKI – OSASUN ETA GIZARTE LANBIDE IKASTOLA INTEGRATUA, CIFP EASO POLITEKNIKOA LHII, CPIFP TXORIERRI S.COOP LTDA. LHIPI
- Laburpena: P.A.R.K.E.A. berrikuntza aplikatuko proiektuak Parkinson gaixotasuna duten pertsonen autonomia, segurtasuna eta bizi-kalitatea hobetzea du helburu, arreta integratuagoa, pertsonalizatuagoa eta teknologikoki lagundua sustatuz. Horretarako, osasun- eta soziosanitario-inguruneetan identifikatutako beharrei erantzuteko, 3D teknologiaren bidez laguntza-gailu pertsonalizatuak diseinatu, prototipatu eta fabrikatuko dira. Proiektuak genero-ikuspegia txertatuko du, emakumeen eta gizonen arteko behar eta desberdintasunak kontuan hartuta. Lanbide Heziketako ikastetxeen, osasun-sistemaren eta enpresa teknologikoen arteko lankidetzan oinarrituta, garatutako soluzioak katalogo digital ireki batean bilduko dira, haien erabilera, egokitzapena eta transferentzia errazteko.
- Deialdia: Sailburuordetza 2026
ERAIK-IN: ERAIKUNTZA INDUSTRIALIZATZEN
- Ikastetxe partehartzaileak: EAGI LHII, EASO POLITEKNIKOA LHII, USURBIL LHII
- Laburpena: Proiektuak eraikuntzaren industrializazioa sustatzea du helburu, bereziki eraikinen birgaitzean, sektorearen digitalizazioaren, jasangarritasunaren eta eskulan faltaren erronkei erantzuteko. Horretarako, eraikuntzako, instalazioetako eta fabrikazioko Lanbide Heziketako espezialitateen arteko lankidetza bultzatuko da, 3D eskaneatzea, BIM modelizazioa, fabrikazio parametrikoa eta sistema modularrak erabiliz. Prozesu horien bidez, eraikuntza-elementuen diseinua, fabrikazioa eta muntaketa optimizatuko dira, eskala txikiko prototipoen bidez soluzioen bideragarritasuna balioztatuz. Proiektuak baliabideen erabilera eraginkorra, hondakinen murrizketa eta ekonomia zirkularra sustatuko ditu, baita sektorearen modernizazioa eta emakumeen parte-hartzea ere. Era berean, ikasleen gaitasun digitalak eta teknikoak indartuko ditu, Lanbide Heziketaren eta eraikuntza-sektoreko enpresen arteko lankidetza eta ezagutzaren transferentzia bultzatuz.
- Deialdia: Sailburuordetza 2026
UGALKETA ERREZIRKULAZIO SISTEMETAN, PROBIOTIKOEN ERAGINA ETA POPULAZIOEN GENETIKA, IBAI KARRAMARROAREN KONTSERBAZIOAREN GILTZARRIAK
- Ikastetxe partehartzaileak: KARDALA LHII, CIFP EASO POLITEKNIKOA LHII, MURGIA LHII
- Laburpena: Proiektuak galtzeko arriskuan dagoen bertako ibai-karramarroaren (Austropotamobius pallipes) kontserbazioa sustatzea du helburu, akuakultura jasangarria, genetika eta mikrobiomaren azterketa uztartuz. Horretarako, karramarroen hazkuntza uraren errezirkulazio-sistemetan (RAS) eta probiotikoetan oinarritutako Bioflok sistemetan egingo da, hazkuntza-baldintzek mikrobiotaren dibertsitatean duten eragina aztertzeko. Era berean, Gipuzkoako eta Arabako populazioen azterketa genetikoak egingo dira, espeziearen kontserbazio-estrategiak hobetzeko informazioa lortzeko. Proiektuak uraren kontsumoa eta ingurumen-inpaktua murrizten dituzten ekoizpen-teknikak sustatuko ditu, eta ikastetxeen, ikertzaileen eta erakundeen arteko lankidetza indartuko du. Halaber, Lanbide Heziketako ikasleen gaitasun zientifikoak eta teknikoak garatuko ditu, biodibertsitatearen kontserbazioaren inguruko sentsibilizazioa eta lortutako ezagutzaren transferentzia bultzatuz.
- Deialdia: Sailburuordetza 2026
BIOimpre·SOS: Zelula-egitura biomimetikoak bioinprimatzeko biotinta natural jasangarrien garapena
- Ikastetxe partehartzaileak: CIFP TARTANGA LHII, CIFP EASO POLITEKNIKOA LHII, LAUDIOALDE LANBIDE ESKOLA
- Laburpena: BIOimpre·SOS proiektuak bioinprimaketa 3Drako biotinta natural eta jasangarriak garatzea du helburu, zelula-egitura biomimetikoen bideragarritasuna eta portaera hobetzeko. Horretarako, alginatoan, gelatinan eta kolagenoan oinarritutako hidrogel-konbinazioak aztertuko dira, zelulen atxikimenduan, ugalketan, morfologian eta egitura-egonkortasunean duten eragina ebaluatuz. Giza fibroblastoen eta zelula epitelialen portaera alderatuko da, 2D eta 3D hazkuntza-sistemetan. Proiektuak biomaterial biodegradagarrien erabilera sustatuko du, ingurumen-inpaktua murrizteko eta ikerketa biomedikoan animalia-ereduen erabilera gutxitzen laguntzeko. Era berean, Lanbide Heziketako ikastetxeen, enpresen eta ikerketa-zentroen arteko lankidetza indartuko du, ikasleen bioteknologia- eta biofabrikazio-gaitasunak garatuz eta sektore berritzaile eta jasangarrietan duten enplegagarritasuna hobetuz.
- Deialdia: Sailburuordetza 2026
Aurreko ikasturteetako berrikuntza-proiektuak.
Aplicación de Industria 4.0 en el Cuidado de Pacientes en Situación de Emergencia
- Deialdia: MEFPyD 2023 deialdia
- Partehartzaileak: Institut Narcís Xifra (Girona) y Easo Politeknikoa (Donostia).
Enpresa: MetamedicsVR. - Laburpena: Prestakuntza-jarduerak egitea errealitate birtual eta hedatuko simulazioekin, ikasleak osasun-larrialdietan entrenatzeko, hala nola bihotz-geldialdiak eta bizkortze-maniobrak. Jardueren emaitzak biltegiratu eta aztertuko dira, prestakuntza hobetzeko. Proiektuak digitalizazioa eta erronketan oinarritutako ikaskuntza sustatzen ditu, eta, horrez gain, IoT-ren erabilera sustatzen du osasun-arloan.
Recogida Selectiva de Residuos Reciclables Inclusiva mediante Inteligencia Artificial
- Deialdia: MEFPyD 2023 deialdia
- Partehartzaileak: Institut Bernat El Ferrer (Cataluña) y CIFP Easo Politeknikoa (País Vasco).
Enpresa: Piplus Servicios Profesionales SL (BitMetrics). - Laburpena: Adimen artifizialean eta robotikoan oinarritutako sistema bat garatzea hondakin birziklagarriak automatikoki sailkatzeko. Sistema diseinatuta dago hondakinen kudeaketa errazteko ingurune geriatrikoetan edo mugitzeko zailtasunak dituztenetan, inklusioa eta iraunkortasuna sustatuz.
FP4.0: Transformación Digital y Sostenible en Madera y Mueble
- Deialdia: MEFPyD 2023 deialdia
- Partehartzaileak: Institut Pere Martell y CIFP Easo Politeknikoa.
Enpresa: Software Técnic Tecnocim SL.
- Laburpena: Zurgintzako eta altzarigintzako prozesuak digitalizatzeko proiektua, metodologia aktiboetara egokitutako simulazio industrialeko espazio bat sortuz. Eraldaketa digital eta ekologiko bikoitzari aurre egiten dion sektore batean ikasleen enplegagarritasuna hobetzea du helburu.
Aula de Anatomía 4.0 en la FP Sanitaria
- Deialdia: MEFPyD 2023 deialdia
- Partehartzaileak: Institut Bonanova de FP Sanitaria (Barcelona), EASO Politeknikoa, CIFP Francesc de Borja Moll.
Enpresa: Siemens Healthineers. - Laburpena: Anatomiako ikasgela teknologikoak sortzea osasun-arloko heziketa-zikloetako irakaskuntza modernizatzeko, 3D inprimaketa, errealitate birtuala eta areagotua txertatuz. Ikaskuntza aktiboa eta ezagutza anatomikoaren aplikazio praktikoa sustatu nahi dira.
EDSPACES: Diseño de Espacios Educativos Polivalentes Adaptados a Nuevas Metodologías de Aprendizaje
- Deialdia: MEFPyD 2023 deialdia
- Partehartzaileak: Easo Politeknikoa LHII (Euskal Autonomia Erkidegoa), Instituto Bernat el Ferrer, CIFP Valentín Paz Andrade.
Enpresa: TdeTaller S.L. - Laburpena: Hezkuntza-espazioak altzari egokigarriekin eta teknologia aurreratuarekin diseinatzeko proiektua, ikaskuntza-metodologia aktiboak sustatzeko. Egitura berriak aztertuko dira lanbide-heziketarako eta lan-merkatura igarotzeko.
Equipo Móvil Snoezelen High-Tech Inmersivo para una Estimulación Integral de Personas con Dependencia
- Deialdia: MEFPyD 2023 deialdia
- Partehartzaileak: Easo Politeknikoa LHII (Euskal Autonomia Erkidegoa), Tolosako Inmakulada Lanbide Ikastola y CIFP Anxel Casal.
Enpresa: Biharko. - Laburpena: Goi-teknologian oinarritutako estimulazio multisentsorialeko ekipo mugikor bat garatzea, mendekotasun-egoeran dauden pertsonen ongizatea hobetzeko. Bizitza interaktiboaren historia eta errealitate birtualeko teknologia biltzen dituen tresna digital bat integratuko da, estimulazio kognitiboa eta emozionala sustatzeko.