Ingurumen hezkuntzako ikasleak Urdaibaiko biosfera ezagutzen

Ingurumen hezkuntzako ikasleak ekosistemak, habitatak eta inguruan aurkitzen diren flora eta fauna ezagutzeko Urdaibai inguruan ibili ziren azaroaren 13tik 14 arte. Bertan Urdaibaiko biosfera ezagutzeaz gain, ondare kultural ezberdinak ere ikusi zituzten. Lehen egunean Bird Center-era joan ziren hegazti behaketa egitera eta bigarren egunean aldiz EAEko naturaren interpretazio zentro handienera joan ziren, Madariaga Torrera hain zuzen ere, biodibertsitateari buruzko erakusketa ederra ezagutu zuten.