Droneetan espezializazio berria Easo Politeknikoan

Easo Politeknikoko Eraikuntza eta Obra Zibileko Departamentuak datorren 26-27 ikasturterako 700 orduko drone-espezializazio berria eskaini du. Prestakuntza aplikazio teknikoagatik nabarmentzen da: eraikuntzan, 3D berreraikuntzak eta ikuskapen termikoak egiteko aukera ematen du; obra zibilean, topografia digitala eta azpiegituren kudeaketa errazten ditu; eta, ingurumenean, azterketa integratua ahalbidetzen du, hainbat sentsore aerotransportaturen bidez. Enpresekin txandakatuz, ikasleek gaitasunak eskuratzen dituzte sektore estrategikoetan balio handiko informazioa sortzeko.