Gizarte-arretan, gizarteratzean eta laguntzan gero eta premia handiagoa dagoen testuinguru honetan, gizarte-zerbitzuen lanbide-arloak funtsezko zeregina du pertsonen bizi-kalitatea eta gizarte-kohesioa hobetzeko. Easo Politeknikoan prestakuntza integrala eta gizarte-ongizatearekin konprometitua eskaintzen dugu, ikuspegi profesional, etiko eta pertsonan zentratutik abiatuta.
Ikaskuntza-prozesuak metodologia aktibo eta kolaboratiboetan oinarritzen dira, eta ikasleek lehen ikasturtetik bertatik esku-hartze errealetan parte hartzeko aukera dute, inguruko gizarte- eta hezkuntza-erakundeekin lankidetzan. Prestakuntza dualaren bidez eta ingurune errealetan garatutako proiektuen bitartez, ikasleak pertsonen autonomia, inklusioa eta ongizatea sustatzeko prestatzen dira, bizitzako une esanguratsuetan esku hartzeko gaitasuna eskuratuz.
